正文
你伯爺出黎行，半路就去咗賣咸鴨蛋，睇個勢，依家個地盤分成三嚿，益州睇黎都系保唔住嘅嘞，以后個世道睇黎都幾難崖。但系你伯爺留低班細慨都好忠心，班懵柄出去劈友連命都唔要，呢d都系睇在你老豆以前俾錢又俾女的份上，現家想報答返你啫。
嗱，阿叔我現家就只系想你醒醒定定，搞掂你老豆嘅遺愿，等d兄弟都有得威;千祈唔好將自己當成一嚿叉燒，辜負左班手足。
家嚇班兄弟都系自己友嚟，想鬧邊個摑邊個，都要公平;唔俾心機做野嘅，成日系度搞三搞四嘅，同埋份人忠忠直直嘅，就交俾保衛科，應該斬手既斬手，應該升職嘅就升職，甘樣就表現到你對大家都系公平嘅，你千其唔好幫埋一邊，對大家大細超。
郭仔、費仔、董仔，份人都好老實，做野好周到，你爺伯在世個時就特別睇得起佢地，臨死前叫佢地好好幫扶你，阿叔我話齋，會里面大大細細嘅事情都可以交俾佢地;你個個懵柄向叔，人好好，亦都好生猛，劈得玩得，你伯爺都話佢“掂”，你得就提拔一下，我覺得收陀地劈友嘅事就交俾佢，一定可以搞大我地個地盤，以后就人敢惹我地架嘞。
我地舊陣時個會點解開始甘勁呢，就系因為一直收埋d老實人，趕走d呃飲呃食既，后黎點解會搞到甘衰，就系因為身邊剩番班口噏噏當秘笈嘅廢人，你伯爺以前次次同我傾計，講起呢單野都赤赤痛。侍中、尚書、長史、參軍，呢幾條友都系阿叔我斬過雞頭嘅好兄弟，你一定要信佢地，我地會重振雄風之日就指意曬你嘞!
阿叔本來就系個耕田佬，系南陽都有番幾嚿田，在呢個人隊人既時代，我不想隊人，只系想唔俾人隊。
你伯爺唔嫌棄我，三日唔埋兩日就走去我屋企，問我點搞好個會，阿叔我就感激到標曬馬尿，甘就跟左你老豆啦。后黎我地會同操爺個會開片，衰左，阿叔我撐住成個會，到現家都廿幾年羅。
你伯爺知道阿叔我醒目，所以賣咸鴨蛋之前就將大事都交托曬俾我，自從換左你做阿頭之后，我就日日失眠，擔心辜負左大佬嘅心意，所以五月個時就帶住班手兄開船過河，去個個山k啦嘅地方，搞掂曬所有應該搞定嘅野。依家南邊無人再敢搞三搞四，我地班靚又人強馬壯，應該好好地俾班手足疏弗下。然后再將中原打番番黎，將個d本心嘅二五仔通通做低曬，將我地個d忠字頭嘅都扶番起身。咁樣我就算對得你伯爺住啦。至于要點搞，冧橋呢d甘嘅野就要靠攸之、祎仔、允仔佢地嘞。
呢一次阿叔我就系去劈班契弟，劈唔成嘅話你話點就點。如果搞唔掂個會，你就去搵攸之、祎仔、允仔，我就唔信個班野敢吃碗面反碗底。阿仔你都應該揾個時間好好地甘諗下你伯爺既話。甘你阿叔我就好欣慰啦。得啦得啦，時間到，去劈友啦，男人老狗，標曬馬尿甘，都唔知講左d乜野。（其實我覺得哩句才是中心句，“不知所言”）
原文：
先帝創業未半而中道崩殂（cu）。今天下三分，益州疲（pi）弊，此誠危急存亡之秋也。然侍衛之臣不懈于內，忠志之士忘身于外者，蓋追先帝之殊遇，欲報之于陛下也。誠宜開張圣聽，以光先帝遺德，恢弘志士之氣，不宜妄自菲薄，引喻失義，以塞（色）忠諫之路也。
宮中府中，俱為一體；陟（zhi）罰臧（zāng）否（pi），不宜異同；若有作奸犯科及為忠善者，宜付有司論其刑賞，以昭陛下平明之理；不宜偏私，使內外異法也。
侍中、侍郎郭攸（you）之、費祎（yi）、董允等，此皆良實，志慮忠純，是以先帝簡拔以遺（wèi）陛下。愚以為宮中之事，事無大小，悉以咨之，然后施行，必能裨（bi）補闕（quē）漏，有所廣益。
將軍向寵，性行淑均，曉暢軍事，試用于昔日，先帝稱之曰能，是以眾議舉寵為督。愚以為營中之事，悉以咨之，必能使行（háng）陣和睦，優劣得所。
親賢臣，遠小人，此先漢所以興隆也；親小人，遠賢臣，此后漢所以傾頹也。先帝在時，每與臣論此事，未嘗不嘆息痛恨于桓、靈也。侍中、尚書、長(zhǎng)史、參軍，此悉貞良死節之臣，愿陛下親之信之，則漢室之隆，可計日而待也。
臣本布衣，躬耕于南陽，茍全性命于亂世，不求聞達于諸侯。先帝不以臣卑鄙，猥（wěi）自枉屈，三顧臣于草廬之中，咨臣以當世之事，由是感激，遂許先帝以驅馳。后值傾覆，受任于敗軍之際，奉命于危難之間，爾來二十有（you）一年矣。
先帝知臣謹慎，故臨崩寄臣以大事也。受命以來，夙（su）夜憂嘆，恐托付不效，以傷先帝之明，故五月渡瀘，深入不毛。今南方已定，兵甲已足，當獎率三軍，北定中原，庶(shu)竭駑（nu）鈍，攘（rǎng）除奸兇，興復漢室，還于舊都。此臣所以報先帝而忠陛下之職分也。至于斟酌損益，進盡忠言，則攸之、祎、允之任也。
愿陛下托臣以討賊興復之效，不效，則治臣之罪，以告先帝之靈。若無興德之言，則責攸之、祎、允等之慢，以彰其咎（jiu）。陛下亦宜自謀，以咨諏（zou）善道，察納雅言，深追先帝遺詔。臣不勝受恩感激。
今當遠離，臨表涕零，不知所言。